Henry alveg að sleppa frá Barcelona

Rafael Yuste, varaforseti Barcelona, segir að félagið sé að ganga frá lausum endum svo Thierry Henry verði frjáls ferða sinna og geti skrifað undir samning við félag í Bandaríkjunum.

Henry hefur lengi verið orðaður við New York Red Bulls og það bendir allt til þess að hann fari þangað í sumar.

Henry sjálfur hefur reynt að gera lítið úr hlutunum og neitar því að vera búinn að semja við Red Bulls.

Hann hefur áður lýst yfir áhuga sínum á að spila í Bandaríkjunum og hann ku vera spenntur fyrir því að búa í New York.