Diego Milito: Ótrúlega ánægður

Diego Milito, leikmaður Inter, var stjarna kvöldsins en hann skoraði bæði mörk Inter er liðið sigraði FC Bayern 2-0 í úrslitaleik Meistaradeildar evrópu. „Þetta er ótrúleg hamingja," sagði Milito við Sky Italia eftir leikinn. „Ég er ánægður fyrir hönd Inter. Við lögðum mikið á okkur til þess að ná þessum titli. Forseti félagsins á þetta líka skilið," bætti Milito við. „Við áttum þetta fyllilega skilið, allir innan liðsins áttu þetta skilið." Þegar Milito var spurður út í framhaldið og vangaveltur um framtíð Mourinho var hann fljótur að svara. „Í knattspyrnu getur allt gerst, við sjáum til á næstu leiktíð."