Berlusconi vill fá Balotelli til Milan

Silvio Berlusconi, forseti AC Milan, segir að það sé pláss fyrir ungstirnið Mario Balotelli hjá Milan fyrst Inter virðist ekki geta notað hann lengur.

Þau skipti gætu hugnast Balotelli ágætlega en hann studdi Milan sem barn og svo var hann plataður til að klæðast treyju félagsins í sjónvarpsþætti í vikunni.

Hann er sem kunnugt er í kuldanum hjá Jose Mourinho, þjálfara Inter.

„Balotelli hefur afar vinalegt andlit, hann er með Rossoneri-andlit," sagði Berlusconi sposkur.