Sometime með smáskífu

Hljómsveitin Sometime hefur gefið út á Netinu sína þriðju smáskífu af fyrstu og einu plötu sinni Supercalifragilisticexpialidocious sem var endurútgefin á síðasta ári. Á skífunni eru fimm endurhljóðblandanir af laginu Optimal Ending eftir Tommi White, Redd Lights, FM Belfast og Leopold Kristjánsson & Steinunni.

Skífan er fáanleg á hinum ýmsu tónlistarveitum á Netinu, þar á meðal iTunes, Tónlist.is og Gogoyoko. Sometime er um þessar mundir að taka upp sína aðra breiðskífu og er hún væntanleg með hækkandi sól.