Federer og frú eiga von á barni

"Ég er með frábærar fréttir handa ykkur öllum," skrifar tenniskappinn Roger Federer á heimasíðu sína í kvöld.

Svisslendingurinn mun eiga von á sínu fyrsta barni með kærustu sinni Mirku Vavrinec, sem hann kynntist á Ólympíuleikunum í Sidney árið 2000.

"Við Mirka erum að verða foreldrar í sumar. Mirka er ólétt og við erum gríðarlega spennt yfir því að vera að stofna fjölskyldu. Þetta er draumur fyrir okkur og við elskum börn," segir Federer meðal annars á síðu sinni.