Markalaust hjá FH-bönunum á heimavelli

FH-banarnir í FK Aktobe frá Kasakhstan náðu aðeins markalausu jafntefli á heimavelli á móti Maccabi Haifa frá Ísrael í fyrri leik liðanna í 3. umferð undankeppni Meistaradeildar Evrópu í dag.

Aktobe-liðið skoraði sex mörk í tveimur leikjum sínum á móti FH þar af vann liðið 4-0 sigur í Kaplakrika. Liðsmenn Aktobe náðu ekki að skora hjá ísraelska liðinu en héldu hinsvegar marki sínu hreinu þriðja leikinn í röð.

Seinni leikur liðanna fer fram í Ísrael í næstu viku en Maccabi Haifa sló út Glentoran frá Norður-Írlandi samanlagt 10-0 út úr síðustu umferð.