Fyrsti leikur Eggerts síðan í ágúst

Eggert Gunnþór Jónsson kom í dag við sögu í fyrsta sinn hjá Hearts í skosku úrvalsdeildinni síðan í ágúst síðastliðnum.

Eggert hefur átt við meiðsli að stríða en hann kom inn á sem varamaður á lokamínútum leiksins er Hearts gerði 1-1 jafntefli við Aberdeen á útivelli.

Þá tapaði Falkirk á heimavelli fyrir St. Mirren, 3-1. Kjartan Henry Finnbogason var ekki í leikmannahópi Falkirk í dag.

Hearts er í áttunda sæti deildarinnar með átta stig eftir jafn marga leiki. Falkirk er á botninum með þrjú stig.