Alþjóðleg kvikmyndahátíð auglýsir eftir hjálp

Alþjóðleg kvikmyndahátíð, Reykjavík International Film Festival, auglýsir nú í sjötta skipti eftir sjálfboðaliðum til að starfa við hátíðina.

Samkvæmt tilkynningu hafa tugir sjálfboðaliða frá mörgum löndum unnið við hátíðina undanfarin fimm ár, rétt eins og tíðkast á stórum kvikmyndahátíðum úti í heimi.

Meðal þeirra verkefna sem sjálfboðaliðarnir koma til með að sinna er til dæmis að aðstoða stjörnur úr kvikmyndabransanum að komast á milli staða, en einnig praktísk atriði eins og símsvörun, undirbúningur, upplýsingagjöf og ýmislegt fleira.

Sjálfboðaliðarnir geta verið á öllum aldri og að sögn aðstandenda er leitast við að þeir fái verkefni eftir áhugasviði og hæfni.

Hægt er að senda inn umsókn á heimasíðu hátíðarinnar, riff.is.