Meta hvort gúmmíbolti hafi ógnað lífi stúlku

Karlmaður sem setti gúmmíbolta upp í leggöng stúlku og skildi hann þar eftir án þess að hún vissi fær dómkvadda matsmenn til að meta hvort lífi eða heilsu stúlkunnar hafi verið stofnað í augljósan háska, áður en málið verður tekið fyrir í Hæstarétti. Hún fékk bólgur og alvarlega sýkingu í leggöng.

Maðurinn var dæmdur í Héraðsdómi Norðurlands í sex mánaða skilorðsbundið fangelsi. Dómnum var áfrýjað til Hæstaréttar. Héraðsdómur hafði hafnað beiðni mannsins um dómkvadda matsmenn fyrir meðferð málsins fyrir Hæstarétti, sem hefur nú ógilt þann úrskurð.