Rooney: Vona að Portúgal komist ekki áfram

Wayne Rooney hefði ekkert á móti því ef Cristiano Ronaldo og félagar hans í portúgalska landsliðinu kæmust ekki á HM í Suður-Afríku í sumar.

Portúgal á í mikilli baráttu í sínum riðli í undankeppni rétt eins og annað stórlið - Argentína.

Spurður hvort hann vildi að þessi tvö lönd kæmust á HM svo að Ronaldo og Lionel Messi gætu látið ljós sitt skína sagði hann einfaldlega:

„Það er frábært að Argentína á í vandræðum. Það væri líka fínt ef Portúgal kæmist ekki þangað því þeir hafa slegið okkur úr leik í síðustu tveimur mótum,“ sagði hann.

Argentína og England hafa sem kunnugt er eldað grátt silfur saman á stórmótum í knattspyrnu.