Jafnt í hálfleik á Wembley - Drogba jafnaði

Það er kominn í hálfleikur í enska bikarúrslitaleiknum á Wembley og staðan er 1-1. Louis Saha kom Everton yfir eftir aðeins 25 sekúndur en Dider Drogba jafnaði leikinn á 21. mínútu. Chelsea er búið að vera mun meira með boltann og miklu líklegri til að skora fleiri mörk.

Louis Saha setti nýtt met í bikarúrslitaleik með því að skora eftir aðeins 25 sekúndur. Hann bætti metið í bikarúrslitaleik um fimm sekúndur (frá 1895) en fljótasta markið sem hafði verið skoraði í úrslitaleik á Wembley var sigurmark Roberto di Matteo fyrir Chelsea eftir aðeins 42 sekúndur í úrslitaleik á móti Middlesbrough árið 1997.

Louis Saha skoraði markið með laglegu vinstri fótar skoti utarlega úr teignum eftir að Chelsea menn náðu ekki að hreinsa frá fyrirgjöf Stephen Pienaar og Marouane Fellaini skallaði boltann til hans.

Didier Drogba jafnaði leikinn á 21. mínútu með frábærum skalla eftir fyrirgjöf frá Florent Florent Malouda frá vinstri. Frank Lampard átti lykilsendingu í sókninni út á Malouda. Drogba var einn í teignum umkringdur fimm varnarmönnum Everton en það skipti engu máli.