Hótelgestir fá afslátt ef þeir búa til barn

Karabíska hótelið Westin Resort býður gestum sem dvelja á hótelinu afslátt af gistingu ef þeir geta barn á meðan að á dvöl þeirra á hótelinu stendur. Hótelið er staðsett á karabísku eyjunni Arúba.

Tilboðið sem stjórnendur þar bjóða gestum er að ef þeir geti sýnt fram á að þeir hafi getið barn á meðan að á dvöl þeirra á hótelinu stendur fá þeir afslátt sem nemur allt að 36 þúsund íslenskum krónum næst þegar þeir dvelja á hótelinu.

„Maður þarf að sýna vottorð frá lækni um að barnið hafi komið undir þegar maður bjó á hótelinu," er haft eftir talsmanni hótelsins í Daily Telegraph.