Robbie aftur í Take That

Söngvarinn Robbie Williams hefur staðfest að hann ætli að starfa aftur með fyrrverandi félögum sínum í Take That. Robbie yfirgaf strákabandið árið 1995 og hóf eigin sólóferil sem hefur gengið vonum framar. Í spjallþætti Jonathan Ross á BBC sagðist Robbie vonast til að bralla eitthvað nýtt með Take That.

„Við höfum hist og gert hitt og þetta. Ég get ekki sagt mikið meira,“ sagði söngvarinn. Þátturinn verður sýndur í heild sinni á morgun. Take That lagði upp laupana árið 1996 en kom aftur saman 2005 án Robbie Williams, við frábærar undirtektir.