Þéttsetin Fríkirkja

Hátt í þúsund manns komu í Fríkirkjuna á aðfangadagskvöld að sögn Hjartar Magna Jóhannssonar. Hann segir að í 110 ára sögu safnaðarins hafi sjaldan verið önnur eins aðsókn. Aftansöngur jóla var sunginn þaðan klukkan sex.

Um klukkan hálftólf hófst svo miðnæturmessa í kirkjunni og segir Hjörtur Magni að þá hafi hver fermeter í kirkjunni verið nýttur. Páll Óskar Hjálmtýrsson og Monika Abendroth hörpuleikar fluttu tónlist ásamt strengjasveit Önnu Siggu og Fríkirkjukórnum.

Það var Hjörtur Magni Jóhannsson sem þjónaði fyrir altari.