Rooney: Iniesta er besti leikmaður heims

Wayne Rooney hrósaði miðjumanninum Andres Iniesta í hástert eftir úrslitaleikinn í meistaradeildinni í gærkvöldi þar sem Barcelona vann 2-0 sigur á Manchester United.

Rooney átti frekar dapran dag hjá United en viðurkenndi að Iniesta hefði farið á kostum hjá Barcelona.

"Barcelona er stórkostlegt lið og að mínu mati er Andres Iniesta besti leikmaður í heimi. Hann er ótrúlegur," sagði Rooney.

"Barcelona spilar gríðarlega vel og ef maður nýtir ekki færin á móti þeim, munu þeir refsa þér og það er það sem gerðist. Við erum samt með ungt lið og vonandi náum við að rífa okkur upp úr þessu," sagði Rooney.