Margrét Lára með þrennu í stórsigri Linköping

Margrét Lára Viðarsdóttir opnaði markareikninginn sinn hjá sænska liðinu Linköping þegar hún skoraði þrennu í 6-0 sigri liðsins á

Eskilstuna United í síðasta æfingaleik liðsins fyrir komandi tímabil.

Sóknarleikur Linköping var í fínu lagi í kvöld en liðið var komið í 5-0 í hálfleik. Hin mörkin skoruðu þær Petronella Ekroth, Kosovare Asllani og Jessica Landström.

Margrét Lára hefur verið að stíga upp úr meiðslum og það er gaman að sjá að hún er búinn að finna skotskónna á nýjan leik en hún náði sem dæmi ekki að skora í 4 landsleikjum Íslands í Algarve-bikarnum.

Linköping leikur fyrsta leik sinn í sænsku úrvalsdeildinni á útivelli á móti Sunnanå næsta þriðjudag.