Anelka: Við söknuðum Drogba á móti Porto

Nicolas Anelka er á því að fjarvera Didier Drogba hafi verið ein aðalskýringin á bitleysi sóknarleiks Chelsea á móti Porto í Meistaradeildinni í gær. Chelsea vann leikinn 1-0 og skoraði Anelka sigurmarkið í upphafi seinni hálfleiks.

Drogba er að taka út þriggja leikja bann vegna hegðunar sinnar í kjölfar þess að Chelsea datt út úr Meistaradeildinni í vor. Drogba verður einnig í banni í næstu leikjum á móti APOEL Nicosia og Atletico Madrid.

„Það var gott að við gátum unnið leik án hans en þetta er miklu betra hjá okkur þegar hann er í liðinu. Við sökunum hans þegar hann er ekki með okkur," sagði Anelka.

„Við söknuðum kraftsins og líkamlega styrksins hans og ég þarf að breyta mínum leik þegar ég hef hann ekki við hliðina á mér," sagði Anelka.