Eiður Smári gat ekki æft með Barcelona í dag

Íslenski landsliðsmaðurinn Eiður Smári Guðjohnsen gat ekki tekið þátt í æfingu Barcelona í dag. Þetta var síðasta æfinga liðsins áður en leikmenn fara til móts við landslið sín.

Eiður Smári glímir við magakveisu en ætti þó að vera búinn að ná sér fyrir leikinn á móti Skotum í næstu viku enda eru enn sex dagar til stefnu þar til þjóðirnar mætast á Hampden Park í Glasgow.

Læknar Barcelona sendu Eið Smára veikan heim í dag en hann var mættur á æfingu þrátt fyrir magakveisuna. Eftir að hafa fór í skoðun hjá læknum liðsins var það ljóst að hann gæti ekki verið með á æfingunni í morgun.

Á heimasíðu Barcelona-liðsins velta menn fyrir sér þeim möguleika að Eiður Smári geti ekki hitt íslenska landsliðið á morgun eins og áætlað var.

Verði hann áfram jafnslæmur mun magakveisan væntanlega seinka för hans til Íslands.