,,Geir er fínn"

Á meðan Geir stóð í ströngu í dag í fundarhöldum um framtíð stjórnarsamstarfsins fékk hann heimsókn frá tveimur ungum nágrönnum sínum.

Undanfarna daga hafa mótmælendur verið áberandi. Nokkrir þeirra hafa beint reiði sinni að Geir H. Haarde forsætisráðherra en hópur þeirra umkringdi bíl hans við Stjórnarráðið í síðustu viku.

Geir fundaði í allan dag um framtíð stjórnarsamstarfið og á meðan fundirnir stóðu á heimili hans börðu Guðjón og Daníel, ungir nágrannar hans, að dyrum. Þeir vildu ræða við hann um mótmælin eftir að hafa séð fréttir af þeim í sjónvarpinu.

Daníel og Guðjón hafa fylgst með mótmælunum undanfarið og undrast að eggjum hafi verið kastað í stjórnarráðið og þinghúsið. Þeir sögðu jafnframt að Geir sé fínn.