Líkamsræktarmorðinginn ætlaði að drepa í janúar

Morðinginn George Sodini, sem fór inn í líkamsræktarstöðin LA Gym og mytri þrjár konur auk þess sem hann særði tíu aðrar í Bandaríkjunum, bloggaði um ætlun sína að myrða fólk. Þar segist hann hafa áður farið vopnaður í þeim tilgangi að myrða.

Hann hélt úti bloggi þar sem hann virðist hafa fengið útrás fyrir skapraun sína en hann virðist ekki hafa geta mynda náin tengsl við konur.

Í einu blogginu furðar hann sig á því að hann geti ekki fundið eina konu af þeim þrjátíu milljónum kvenna sem hann taldi ákjósanlegar.

Yfirvöld í Bandaríkjunum hafa lokað fyrir bloggsíðuna hans en í á BBC kemur fram að ein færslan hafi sýnt fram á að hann hafi áður farið vopnaður í þeim tilgangi að myrða.

Dagetningin á færslunni er frá 6. janúar síðaðstliðinn. Þar skrifaði hann: „Klukkan er 20:45: Ég guggnaði! Ég tók með mér hlaðna byssu og allt. Andskotinn!"

Sodini virðist hafa skipulagt morðæðið síðan í nóvember á síðasta ári.

Konurnar þrjár sem létu lífið voru á fertugs- og fimmtugsaldrinum.