Stefán sá rautt í stórtapi Vaduz

Íslendingaliðið Vaduz fékk slæman skell gegn Basel í svissnesku deildinni í dag. Basel yfirspilaði liðið frá Liechtenstein og vann stórsigur, 5-0.

Hinn geðugi Scott Chipperfield fór mikinn í liði Basel og skoraði þrennu.

Stefán Þórðarson lenti í rifrildi við dómarann og fékk gult spjald og svo rautt á 65. mínútu. Stefán hafði komið inn á sem varamaður á 26. mínútu.

Gunnleifur Gunnleifsson kom í markið á 61. mínútu í vonlausri stöðu en Guðmundur Steinarsson sat á bekknum allan tímann.

Vaduz sem fyrr í næstneðsta sæti svissnesku deildarinnar en Basel í öðru sæti.