Serbía og Úkraína með sigra

Nokkrir vináttulandsleikir fara fram í kvöld. Þar ber hæstur leikur Brasilíu og Ítalíu en hann verður flautaður á klukkan 19:45. Tveimur leikjum er lokið en í báðum tilfellum unnust útisigrar.

Serbía vann 2-0 sigur í Kýpur. Bæði mörkin komu í fyrri hálfleik en sigur Serba var aldrei í hættu. Þeir Milan Jovanović og Danko Lazović skoruðu mörkin.

Artem Milevskiy skoraði sigurmark Úkraínu sem vann 3-2 útisigur á Slóvakíu. Markið kom úr vítaspyrnu. Valyaev og Seleznyov skoruðu hin mörk Úkraínu en Marek Hamsik og Vittek skoruðu mörk Slóvaka.