Gullit í stjörnu-Survivor?

Hollendingurinn Ruud Gullit er í samningaviðræðum við ítalska sjónvarpsstöð þessa dagana um að taka þátt í sérstökum Survivor-leik þar sem eingöngu þekktir einstaklingar fá að vera með.

Það hefur verið lítið að gera hjá Gullit síðan hann hætti hjá LA Galaxy sumarið 2008 en hann vinnur núna sem sjónvarpsmaður hjá Sky Sports.

Þessir þættir eru afar vinsælir á Ítalíu, eins og víðar, og þá sérstaklega útgáfan með stjörnunum.

Áður hafa menn eins og Salvatore Schillachi, Antonio Cabrini, Stefano Tacconi og Francesco Coco verið með í þættinum.