Kristján framlengir við Keflavík

Kristján Guðmundsson þjálfari hefur framlengt samning sinn við knattspyrnudeild Keflavíkur um þrjú ár. Þetta kemur fram á vefsíðunni fotbolti.net í kvöld.

Í fréttinni kemur fram að Einar Ásbjörn Ólafsson verið ráðinn aðstoðarmaður Kristjáns, en hann tekur við af Kristni Guðbrandssyni.

Keflvíkingar hafa verið í mikilli sókn undir stjórn Kristjáns frá því hann tók óvænt við þjálfarastöðunni árið 2005 og endaði liðið í öðru sæti Landsbankadeildarinnar síðasta sumar eins og flestum ætti að vera í fersku minni.