Harry Potter aðdáendur leika quidditch í Laugardal

Hópur af ungu fólki, sem á það sameiginlegt að vera miklir aðdáendur Harry Potter bókanna, kom saman síðasta sunnudag og léku quidditch, íþróttina sem söguhetjurnar í Harry Potter bókunum leika á galdrakústum.

Þessa íþrótt er ekki aðeins hægt að spila á galdrakústum heldur hafa reglurnar verið lagaðar eftir bandarískri fyrirmynd og er því spilað á jörðu niðri.

Íslenska mugga-quidditch félagið hefur verið stofnað og er ætlunin að hafa æfingar reglulega í vetur, að minnsta kosti einu sinni í viku, og ef til vill halda nokkur mót.

Félagar eru nú þegar um tuttugu talsins, fyrsta æfingin var síðasta sunnudag og sú næsta verður næsta sunnudag 14 fyrir utan Skautahöllina í Laugardalnum.