Lopez tvíburarnir heita Max og Emme

Jennifer Lopez og Marc Antony hafa gefið tvíburunum sínum nöfnin Max og Emme. Stúlkan og drengurinn fæddust 22. febrúar á Long Island í New York.

Simon Fields umboðsmaður söngkonunnar staðfesti nöfn barnanna við People tímaritið. Hann sagði að Lopez væri „uppveðruð" af fæðingu barnanna.

Lopez tilkynnti að hún væri barnshafandi í nóvember eftir að fjölmiðlar höfðu velt sér upp úr því í nokkra mánuði.

People tímaritið greiddi sex milljónir bandaríkjadala, eða tæpar 400 milljónir íslenskra króna, fyrir að birta fyrstu myndir af tvíburunum.