Wenger: Milan er sigurstranglegra

Arsene Wenger viðurkennir að Evrópumeistarar AC Milan verði að teljast sigurstranglegri aðilinn í rimmunni við sína menn í Arsenal í 16-liða úrslitum Meistaradeildarinnar. Fyrri leikur liðanna fer fram á Emirates í London á miðvikudagskvöldið.

"Við erum með mjög ungt lið á meðan Milan er ríkjandi Evrópumeistari og með gríðarlega reynt lið. Þess vegna held ég að við eigum um það bil 45% sigurlíkur og Milan um 55%," sagði Wenger.

"Það er hinsvegar ljóst að eftir þessa viðureign vitum við hvort við höfum það sem þarf til að vinna sigur í Meistaradeildinni."