Hitzfeld tekur við Sviss í sumar

Ottmar Hitzfeld mun að öllum líkindum taka við þjálfun svissneska landsliðsins næsta sumar. Þetta staðfesti hann í samtali við fjölmiðla í dag.

Hitzfeld heldur nú um stjórnartaumana hjá þýska liðinu Bayern München. Liðið er að spila frábæran fótbolta um þessar mundir og eru líklegir til að vinna þýsku deildina þetta tímabilið.

Jürgen Klinsmann mun taka við þjálfun Bayern þegar Hitzfeld hættir eftir leiktímabilið. Koebi Kuhn er núverandi þjálfari Sviss en hann mun láta af störfum eftir Evrópumót landsliða í sumar.

Hitzfeld hefur fjórum sinnum unnið þýska meistaratitilinn, Meistaradeildina tvívegis og þýsku bikarkeppnina fjórum sinnum.