Markalaust hjá Zenit og Juventus

Fyrsta leik kvöldsins í Meistaradeild Evrópu er lokið. Zenit frá Pétursborg og Juventus gerðu markalaust jafntefli í Rússlandi.

Bæði liðin fengu fín færi til að skora en tókst ekki og stigunum því skipt á milli þeirra. Alessandro Del Piero fékk besta færi Juventus en skaut framhjá úr dauðafæri.

Liðin eru í H-riðli en nú klukkan 19:45 hefst hinn leikur riðilsins, viðureign BATE Borisov og Real Madrid.

Hér að neðan má sjá stöðuna núna í H-riðli:

1. Juventus - 11 stig eftir 5 leiki

2. Real Madrid - 6 stig eftir 4 leiki

3. Zenit - 5 stig eftir 5 leiki

4. BATE - 2 stig eftir 4 leiki