Innlent

Guðni ræður sér aðstoðarmann

SB skrifar
Agnar Bragi Bragason. Nýr aðstoðarmaður Guðna.
Agnar Bragi Bragason. Nýr aðstoðarmaður Guðna.

Agnar Bragi Bragason, Reykvíkingur og Valsari, hefur verið ráðinn aðstoðarmaður Guðna Ágústssonar þingmanns Framsóknarflokksins. Agnar segist hlakka til að takast á við starfið.

"Mér finnst þetta mjög spennandi verkefni. Guðni er náttúrlega einn af okkar albestu stjórnmálamönnum og mjög mikill heiður að fá að starfa með honum," segir Agnar.

Á heimasíðu Félags ungra Framsóknarmanna kemur fram að Agnar hafi lokið prófi í stjórnmálafræði og alþjóðasamskiptum frá HÍ og sé við það að ljúka lögfræðiprófi. Hann sé Reykvíkingur í húð og hár og Valsari.

Það verður því skemmtileg blanda á skrifstofu Guðna - borgarbarnið og Valsarinn mætir landsbyggðarbarninu Guðna. Agnar segist tilbúinn í verkefnið. "Þetta er mjög spennandi," segir hann.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið