Fjórði sigur Hearts í röð

Hearts vann í dag sinn fjórða sigur í röð í skosku úrvalsdeildinni er liðið vann 2-1 sigur á Falkirk á heimavelli í dag.

Eggert Gunnþór Jónsson var sem fyrr í byrjunarliði Hearts í dag en honum var skipt á velli á 60. mínútu en þá var staðan þegar orðin 2-1 í leiknum.

Hearts er komið upp í þriðja sæti deildarinnar en liðið er með 26 stig, þremur stigum á undan Dundee United sem er í fjórða sætinu. Hearts er þó fjórtán stigum á eftir toppliði Celtic.

Celtic er með fjögurra stiga forystu á Rangers á toppnum eftir 3-1 útisigur á St. Mirren í dag. Georgios Samaras, Shunsuke Nakamura og Cillian Sheridan skoruðu mörk Celtic í dag.

Úrslitin í dag:

St. Mirren - Celtic 1-3

Dundee United - Hamilton 1-1

Hearts - Falkirk 2-1

Kilmarnock - Inverness 1-2

Motherwell - Hibernian 1-4

Rangers - Aberdeen 2-0