Madonna vill ættleiða annað barn - mynd

Samkvæmt The Sun hefur söngkonan Madonna síðan árið 2006 unnið að því að ættleiða þriggja ára stúlku sem heitir Mercy James og býr í Malavíu.

Þrátt fyrir háværar raddir um erfiðleika í hjónabandi Madonnu og Guy Ritchie ætlar söngkonan ekki að gefast upp.

Ritchie og Madonna giftu sig í desember fyrir átta árum í Skotlandi og saman eiga þau þrjú börn og er eitt þeirra drengur, David, sem þau ættleiddu árið 2005 frá Malaví.

,,Að mér best vitandi er hjónaband mitt í góðu lagi," sagði Ritchie í nýlegu viðtali á sjónvarpsstöð BBC.

Amma litlu stúlkunnar er hinsvegar alfarið á móti því að Madonna fái stúlkuna í sína umsjá því hún vill ekki að hún flytji burt frá heimalandinu, Malaví.