Eggert og félagar skelltu Rangers

Eggert Jónsson og félagar hans í Hearts unnu góðan 2-1 sigur á Glasgow Rangers í skosku úrvalsdeildinni í knattspyrnu.

Öll mörkin komu á sex mínútna kafla um miðjan fyrri hálfleikinn og öll voru þau skoruðu af Hearts-mönnum þar sem mark gestanna var sjálfsmark.

Eggert var á varamannabekk Hearts í dag og kom inn á 64. mínútu hjá Edinborgarliðinu. Heimamenn léku manni færri frá 71. mínútu þegar liðið missti mann út af með rautt spjald, en náði að hanga á sigrinum.

Fjölmiðlar í Skotlandi greindu frá því að leikmenn Hearts hefðu ekki fengið greidd laun á réttum tíma í annað sinn á leiktíðinni, en það kom ekki í veg fyrir fimmta sigur liðsins í röð.

Tapið kemur sér illa fyrir Rangers í toppbaráttunni því liðið er nú fjórum stigum á eftir toppliði Celtic sem á leikt til góða.

Celtic hefur 40 stig, Rangers 36 og Hearts hefur 29 stig í þriðja sætinu - sex stigum meira en Dundee sem er í fjórða sæti og á leik til góða.

Úrslitin í Skotlandi í dag:

Hearts 2 - 1 Rangers

Aberdeen 1 - 0 Motherwell

Celtic 1 - 0 Inverness CT

Falkirk 0 - 0 Hibernian

Hamilton 1 - 0 Kilmarnock

St Mirren 0 - 1 Dundee Utd