Ísland byrjar á Frökkum

Ísland leikur fyrst gegn Frökkum á EM í Finnlandi en leikurinn fer fram mánudaginn 24. ágúst næstkomandi.

Ísland er í B-riðli ásamt Þýskalandi, Noregi og Frakklandi. Viðureignir Íslands gegn Frökkum og Þjóðverjum fer fram í Tampere en leikurinn gegn Norðmönnum í Lahti.

Fimmtudaginn 27. ágúst fer leikur Íslands og Noregs fram. Lokaviðureign Íslands í riðlakeppninni, gegn Þjóðverjum, fer fram sunnudaginn 30. ágúst.

Riðlakeppninni lýkur 31. ágúst og fjórðungsúrslit fara fram dagana 3. og 4. september. Undanúrslitin fara fram sunnudaginn 6. og mánudaginn 7. september og sjálfur úrslitaleikurinn fimmtudaginn 10. september á Ólympíuleikvanginum í Helsinki.

Finnar mæta Dönum á sama leikvangi í opnunarleik mótsins þann 23. ágúst.

Alls fara fram 25 leikir á mótinu á fimm leikvöngum í fjórum borgum - Helsinki, Tampere, Lahti og Turku.

Tvö efstu liðin úr hverjum riðli komast áfram í fjórðungsúrslitin ásamt þeim tveimur liðum sem náðu besta árangri í þriðja sæti.