Hörður í viðræðum við tvö félög

Hörður Bjarnason á nú í viðræðum við tvö félög í Landsbankadeild karla en hann hætti nýverið hjá Víkingi.

„Ég hef verið að æfa sjálfur undanfarið en langar að ganga frá mínum málum fljótlega svo ég geti farið að komast á æfingar," sagði Hörður í samtali við Vísi.

Hörður er uppalinn leikmaður Breiðabliks og vill ekkert segja um hvort það sé annað félagið sem hann á í viðræðum við. Hann getur þó útilokað eitt Landsbankadeildarfélaganna.

„Ég er uppalinn í mikilli Blikafjölskyldu og kæmi aðeins eitt félag til greina ef ég kæmi aftur í Kópavoginn. Það er ekki HK," sagði hann og hló.