Margrét Lára í ísbað að hætti Gauja Þórðar

Margrét Lára Viðarsdóttir og Tryggingamiðstöðin (TM) hafa opnað nýja og glæsilega heimasíðu sem er helguð knattspyrnugoðinu Margréti Láru. Þessi nýja síða er einstök og hefur að geyma fjöldan allan af myndefni með landsliðsframherjanum.

Meðal efnis nú þegar er myndband þegar Guðjón Þórðarson þjálfari Skagamanna reynir að koma Margréti Láru í alvöru ísbað. Ísböð í fiskikörum eru einmitt vörumerki Skagamanna eftir hörkuæfingar.

Markmiðið með síðunni er að auka hróður íslenskrar knattspyrnu og um leiða að hvetja til dáða unga knattspyrnumenn af báðum kynjum.

Inni á www.mlv.is má finna ferilskrá Margrétar Láru, blogg og heimildamynd um knattspyrnukonuna og íþróttamann ársins. Nokkrar áskoranir er að finna inni á síðunni og geta yngri iðkendur spreytt sig á þeim og æft. Síðan er kostuð af TM og er hún samstarfsverkefni Margrétar Láru og TM. Síðan er þegar komin í gagnið.