Sjötíu prósent vilja kanna pólitískar rætur Baugsmáls

Samkvæmt nýrri skoðanakönnun Fréttablaðsins eru sjötíu prósent landsmanna eru hlynntir því að rannsaka hvort Baugsmálið eigi sér pólitískar rætur.

Greint er frá þessu í blaðinu í dag og þar segir að konur séu frekar hlynntari slíkri rannsókn en karlar. Þá eru kjósendur á landsbyggðinni hlynntari rannsókn en íbúar á höfuðborgarsvæðinu. Hvað varðar stuðning innan stjórnmálaflokkanna eru fæstir meðal kjósenda Sjálfstæðisflokksins hlynntir rannsókn eða 55%. Mestur er stuðningurinn meðal kjósenda Samfylkingarinnar eða tæp 87%.