Scolari ekki nægilega sáttur þrátt fyrir stórsigur

Þrátt fyrir 4-0 sigur á Bordeaux í kvöld er Luiz Felipe Scolari ekki nægilega sáttur við frammistöðu sinna manna.

„Byrjunin var mjög góð og við fengum þrjú stig en hinsvegar voru of mörg mistök. Við stjórnuðum leiknum ekki nægilega vel og þeir fengu of mikið að halda boltanum, sérstaklega í seinni hálfleiknum," sagði Scolari.

Hann gat þó hrósað Frank Lampard. „Hann elskar fótbolta, æfir af fullum krafti alla daga og þá hjálpar guð manni. Ef þú gerir hlutina ekki vel á æfingum þá gerirðu þá ekki vel í leikjum," sagði Scolari.

„Það mikilvægasta var að við fengum stigin þrjú en samt sem áður er pláss fyrir mikla bætingu á okkar leik."