Barry Smith byrjar hjá Val

Varnarmaðurinn Barry Smith er í byrjunarliði Vals sem tekur á móti FH í stórleik í Landsbankadeildinni í kvöld. Þetta er fyrsti leikur Barry Smith í sumar en hann hefur verið meiddur.

Þá er Guðmundur Benediktsson í leikmannahópi Vals en hann byrjar á bekknum. Guðmundur kom inn sem varamaður í bikarleik gegn Þór um daginn og lagði upp sigurmarkið.

Hjá FH er Bjarki Gunnlaugsson í byrjunarliðinu í fyrsta sinn í sumar en bróðir hans er á bekknum.

Leikurinn hefst klukkan 20:00 og verður í beinni á Stöð 2 Sport. Þá verður fylgst með leiknum á Boltavakt Vísis og Fréttablaðsins. Slóðin til að komast á Boltavaktina er www.visir.is/boltavakt.