Erlendir fjölmiðlar fjalla um íslenska liðið

Íslenska handboltalandsliðið og stuðningsmenn þess hafa vakið verðskuldaða athygli á Ólympíuleikunum og hafa erlendir fjölmiðlar fjallað um báða hópa.

Norrænu miðlarnir hafa í dag fjallað um sigur Íslands á spánverjum í dag. ,,Íslendingar senda Spánverja út í kuldann" segir Jótlandspósturinn danski. Expressen í Svíþjóð segir Íslendinga nú klára í slaginn fyrir úrslitaleikinn á sunnudaginn. "Fyrsta ólympíugull Íslendinga í augsýn" segir danska útvarpið.

Spánverjar eru svektir. Spænsku blaðið Marca segja varnaleikinn hafa hrunið eins og fyrr á mótinu. Nú verði þeir að einbeita sér að Króötum í leiknum um bronsið.

Landsliðið hefur vakið verðskuldaða athygli vegna góðs árangur. Það var til umfjöllunar í vefdagbók Dans Steinberg, íþróttafréttamanns á bandaríska blaðinu Washington Post. Þar segir hann Ólaf Stefánsson fyrirliða einn þann áhugaverðasta íþróttamann sem hann hafi átt yfirborðskennt fimmtán mínútna viðtal við.

Stuðningsmenn íslenska liðsins hafa einnig verið til umfjöllunar. Þýska blaðinu Suddeutsche Zeitung fjallaði í gær um sigurinn á Pólverjum í átta liða úrslitum. Þar var Dorrit Moussaief í aðalhlutverki eins og sjá má á þessari mynd.