Fótbolti

Werder Bremen fær mest vegna EM 2008

Eiríkur Stefán Ásgeirsson skrifar
Bastian Schweinsteiger og Miroslav Klose fagna marki þess síðarnefnda á EM í sumar.
Bastian Schweinsteiger og Miroslav Klose fagna marki þess síðarnefnda á EM í sumar. Nordic Photos / AFP

Werder Bremen fær hæstu greiðsluna frá Knattspyrnusambandi Evrópu vegna þátttöku leikmanna liðsins á EM 2008 í Austurríki og Sviss.

UEFA greiðir hverju félagi fjögur þúsund evrur fyrir hvern dag sem leikmaður félagsins var fjarverandi vegna EM. Bremen fékk alls 1,1 milljón evra en alls greiddi UEFA út 43,5 milljónir.

Annað þýskt félag, Bayern München, og frönsku meistararnir Lyon fengu einnig meira en eina milljón evra.

Alls fengu 180 félög frá 24 löndum greiðslu frá sambandinu en þýsk félög fengu samanlagða hæstu greiðsluna eða 6,8 milljónir evra.



Fótbolti

Mest lesið


Fleiri fréttir

Sjá meira


×

Mest lesið