Kaupþingsmenn á fundi með Geir

Hreiðar Már Sigurðsson, forstjóri Kaupþings, og Sigurður Einarsson

stjórnarformaður bankans, funduðu í kvöld með Geir H. Haarde í forsætisráðuneytinu.

Sigurður sagði í samtali við blaðamenn við stjórnarráðið að þeir hafi á fundinum farið yfir stöðuna á fjármálamörkuðum og yfirtöku ríkisins á Glitni. Aðspurður sagði hann stöðu Kaupþings sterka.

Forsætisráðherra mun ekki hafa greint þeim Hreiðari og Sigurði hvort að stórtíðindi væri að vænta að hálfu ríkisstjórnarinnar eða Seðlabankans.