13 leikir, 5 sigrar og 56 leikmenn

Á morgun verður liðið eitt ár frá fyrsta landsleik Ólafs Jóhannessonar landsliðsþjálfara. Á þessu fyrsta ári hans í starfi hefur hann stýrt liðinu í þrettán leikjum.

Íslenska landsliðið sigraði fimm leiki undir hans stjórn og gerði tvö jafntefli. Alls gerir það 46 prósent árangur.

Til samanburðar má nefna að Eyjólfur Sverrisson, forveri Ólafs, stýrði liðinu í tvö ár og þá aðeins í fjórtán leikjum. Undir hans stjórn vann Ísland tvo leiki og gerði fjögur jafntefli, sem gerir 29 prósent árangur. Eyjólfur stýrði liðinu í þremur vináttulandsleikjum en Ólafur í átta.

Ólafur hefur líka valið talsvert fleiri leikmenn í landsliðið en Eyjólfur gerði, alls 56 talsins. Eru þá allir þeir leikmenn taldir sem voru valdir í landsliðið af Ólafi en ekki allir komu við sögu í leikjunum. Þeir eru alls sex sem voru valdir en af mismunandi ástæðum komu svo ekki við sögu í viðkomandi leikjum.

Alls hafa því 50 leikmenn spilað með íslenska landsliðinu undir stjórn Ólafs á þessu tæpa ári sem hann hefur verið við stjórnvölinn.

Enginn spilaði þó meira en Birkir Már Sævarsson, leikmaður Brann. Hann á að baki flestar mínútur (964) og hefur ávallt verið í byrjunarliðinu í þeim leikjum sem hann kom við sögu (ellefu sinnum).

Stefán Gíslason kemur næstur í fjölda mínútna inn á vellinum og Hermann Hreiðarsson þar á eftir.

Pálmi Rafn Pálmason er einnig í nokkrum sérflokki en hann á langflesta leiki að baki sem varamaður. Alls kom hann sjö sinnum inn á sem varamaður í leikjum Ólafs en aðeins þrisvar var hann í byrjunarliðinu. Nokkrir leikmenn koma svo næstir á þessum lista með þrjá leiki sem varamaður.

Á þessum tíma hefur Ólafur valið níu landsliðshópa fyrir leikina fjórtán. Enginn hefur verið valinn í alla hópana níu en fjórir í átta. Þeir eru Aron Einar Gunnarsson, Emil Hallfreðsson, Grétar Rafn Steinsson og Hermann Hreiðarsson.

Oftast valdir í landsliðið:

8 sinnum

Aron Einar Gunnarsson

Emil Hallfreðsson

Grétar Rafn Steinsson

Hermann Hreiðarsson

7 sinnum

Birkir Már Sævarsson

Bjarni Ólafur Eiríksson

Kristján Örn Sigurðsson

Pálmi Rafn Pálmason

Ragnar Sigurðsson

Theodór Elmar Bjarnason

6 sinnum

Davíð Þór Viðarsson

Eiður Smári Guðjohnsen

Gunnar Heiðar Þorvaldsson

Kjartan Sturluson

Stefán Gíslason

Veigar Páll Gunnarsson

Flestir leikir:

11 Birkir Már Sævarsson

10 Pálmi Rafn Pálmason

10 Stefán Gíslason

9 Aron Einar Gunnarsson

9 Emil Hallfreðsson

8 Bjarni Ólafur Eiríksson

8 Hermann Hreiðarsson

8 Kristján Örn Sigurðsson

Flestar mínútur:

964 Birkir Már Sævarsson

827 Stefán Gíslason

703 Hermann Hreiðarsson

687 Emil Hallfreðsson

637 Kristján Örn Sigurðsson

618 Aron Einar Gunnarsson

528 Eiður Smári Guðjohnsen

521 Bjarni Ólafur Eiríksson

516 Grétar Rafn Steinsson

495 Kjartan Sturluson

Flestir leikir í byrjunarliði:

11 Birkir Már Sævarsson

9 Stefán Gíslason

8 Emil Hallfreðsson

8 Hermann Hreiðarsson

8 Kristján Örn Sigurðsson

7 Aron Einar Gunnarsson

6 Bjarni Ólafur Eiríksson

6 Eiður Smári Guðjohnsen

6 Grétar Rafn Steinsson

6 Kjartan Sturluson

5 Atli Sveinn Þórarinsson

5 Gunnar Heiðar Þorvaldsson

5 Ragnar Sigurðsson

Flestir leikir sem varamaður:

7 Pálmi Rafn Pálmason

3 Davíð Þór Viðarsson

3 Jónas Guðni Sævarsson

3 Theodór Elmar Bjarnason

3 Veigar Páll Gunnarsson

Flestir leikir sem ónotaður varamaður:

5 Stefán Logi Magnússon

4 Ragnar Sigurðsson

3 Bjarni Ólafur Eiríksson

2 Árni Gautur Arason

2 Davíð Þór Viðarsson

2 Eggert Gunnþór Jónsson

2 Fjalar Þorgeirsson

2 Kjartan Sturluson

2 Stefán Þór Þórðarson