Boltavaktin: Fjölnir - Fylkir

Boltavakt Vísis og Fréttablaðsins er með beina lýsingu frá leik Fjölnis og Fylkis í Landsbankadeild karla.

Hægt er að komast inn á Boltavaktina á slóðinni visir.is/boltavakt og með því að smella á leik Fjölnis og Fylkis á forsíðu íþróttavef Vísis.

Fjölnismenn eru að leika í efstu deild í fyrsta skipti og er því um að ræða fyrsta alvöru hverfisslag Grafarvogs og Árbæjar. Bæði félög eru fremur ung, þó svo að Fjölnir sé um 20 árum yngri en Fylkir. Bæði félög voru stofnuð er hverfin voru að byggjast upp í austurhluta Reykjavíkur.

Fjölnir byrjaði mótið af miklum glæsibrag og vann fyrstu þrjá leiki sína en hefur tapað síðustu þremur. Fylkir tapaði fyrstu tveimur leikjunum, vann svo þrjá í röð en tapaði fyrir Þrótti í síðustu umferð. Bæði lið eru því með níu stig en Fjölnismenn með betra hlutfall.

Það er ljóst að annað liðið hoppar upp í þriðja sæti deildarinnar eftir leikinn í kvöld.

Leikurinn er reyndar í níundu umferð Landsbankadeildarinnar en var flýtt vegna þátttöku Fylkis í Intertoto-keppninni.