Gullit hættur með LA Galaxy

Ruud Gullit er hættur sem þjálfari Los Angeles Galaxy. Frá þessu er greint á vefsíðu félagsins en þar segir að ástæðurnar séu persónulegs eðlis.

Þá hefur Alexi Lalas misst starf sitt sem framkvæmdastjóri og forseti félagsins. LA Galaxy hefur ekki náð að sigra í sjö síðustu leikjum sínum og er í fjórða sæti í vesturdeild MLS-deildarinnar.

Aðstoðarþjálfarinn Cobi Jones mun taka við af Gullit sem var ráðinn í nóvember. Gullit segir að það hafi verið erfiðara fyrir fjölskyldu sína að aðlagast lífinu í Los Angeles en hann hafði búist við.