Ólíklegt er talið að norska liðið Bodö/Glimt geti haldið Birki Bjarnasyni sem var á lánssamningi hjá liðinu á nýliðnu tímabili frá Viking í Stafangri. Forráðamenn Bodö/Glimt telja verðmiðann á Birki of háan.
Birkir lék vel með Bodö/Glimt í norsku úrvalsdeildinni svo Viking ákvað að fara fram á hærri upphæð en félagið fór fram á í vor.
Birkir er í hópi efnilegustu leikmanna landsins, hann er tvítugur að aldri og á 35 leiki að baki fyrir yngri landslið Íslands. Þar á meðal 14 fyrir U21 landsliðið.
