Upplýst um skipun þjóðstjórnar

Ismail Haniya forsætisráðherra og Mahmoud Abbas forseti Palestínu hafa nú upplýst hverjir skipi ráðherra sæti í nýrri þjóðstjórn Palestínumanna. Kosið verður um hvort stjórnin njóti trausts á laugardaginn. Lykilembætti fjármála-, innanríkis-, og utanríkisráðherra verða skipuð mönnum sem hvorki eru hluti af Hamas- né Fatah-hreyfingunni.

Ráðamenn í Ísrael hafa gagnrýnt þjóðstjórnaráformin fyrir að taka ekki á því hvort Hamas-samtökin og þar með stjórnin samþykki tilverurétt Ísraelsríkis. Bæði Bandaríkin og Evrópusambandið bíða þess að sjá lokaniðurstöður viðræðna samtakanna áður en ákveðið verður hvort Palestina fái aftur fjárhagsstyrki.