Björgólfur Thor kaupir Fríkirkjuveg 11

Samþykkt var á fundi borgarráðs Reykjavíkur í dag að ganga að tilboði fjárfestingarfélagsins Novator, sem er í eigu Björgólfs Thors Björgólfssonar, í Fríkirkjuveg 11. Kaupverðið er 600 milljónir en það getur hækkað um allt að 200 milljónir þar sem eftir á að semja um ákveðnar óskir kaupanda sem lúta meðal annars að framkvæmdum á lóð. Thor Jenssen, langafi Björgólfs, átti eitt sinn húsið.

Fjögur tilboð bárust húsið. Björn Ingi Hrafnsson, formaður borgarráðs, segir tilboð Novator hafa verið afgerandi best og töluvert hærra en hin tilboðin.