Vilja blanda saman fósturvísum úr manna- og dýrafrumum

Bresk yfirvöld ákveða á morgun hvort þau muni heimila hópi vísindamanna að gera rannsóknir á fósturvísum gerðum úr manna- og dýrafrumum. Vísindamennirnir vilja fá leyfi til að blanda saman frumunum til að rækta stofnfrumur. Markmið tilraunarinnar er að finna nýjar leiðir í læknavísindum.

Málið hefur vakið töluverða athygli í Bretlandi enda rannsóknir af þessu tagi mjög umdeildar. Með tilrauninni vilja vísindamennirnir athuga nýjar leiðir í baráttunni við sjúkdóma á borð við Parkinson og Alzheimer. Andstæðingar tilraunarinnar segja hana hins vegar siðlausa og stríða gegn náttúrulögmálum.