Innlent

Samherji kaupir erlenda útgerð Sjólaskipa

Þorsteinn Már Baldvinsson, forstjóri Samherja hf.
Þorsteinn Már Baldvinsson, forstjóri Samherja hf. MYND/GVA

Samherji hf. hefur fest kaup á allri starfsemi úgerðarinnar Sjólaskip hf. á erlendri grund. Þetta kemur fram í frétt Interseafood á Íslandi. Um eitt þúsund manns af ýmsum þjóðernum starfa við útgerð Sjólaskipa í Máritaníu og Marokkó.

Sjólaskip hafa gert út 6 verksmiðjuskip og tvö þjónustuskip í lögsögu Máritaníu og Marokkó en félagið er með bækistöðvar á Kanaríeyjum og höfuðstöðvar á Íslandi. Um 80 Íslendingar koma að starfsemi félagsins erlendis.

Í frétt Interseafood er haft eftir Þorsteini Má Baldvinssyni, forstjóra Samherja, að kaupin kalli á skipulagsbreytingar hjá Samherja. Hann gerir þó ekki ráð fyrir að miklar breytingar verði á starfsemi Sjólaskipa.

Eftir kaupin eiga Sjólaskip eitt skip sem stundar veiðar í landhelgi Marokkó.

Frétt Interseafood hér.


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×